Angliya Premyer-ligasining sakkizinchi turidan o‘rin olgan uchrashuvda “Nottingem Forest” “Fulxem”ga 2:3 hisobida imkoniyatni boy berib, navbatdagi mag‘lubiyatni qabul qilib oldi.
Birinchi bo‘limda "o‘rmonchilar" oldinga chiqib olishgan bo‘lsa, ikkinchi bo‘lim boshida ketma-ket uchta gol o‘tkazib yuborishdi va "Fulxem" ishonchli ustunlikka erishib, o‘yinni mantiqiy yakuniga yetkazdi.
Uchrashuv natijasini londonliklar ustozi Marko Silva quyidagicha izohladi:
"Biz maydonda zo‘r edik va haqli ravishda g‘alaba qozondik. Ikkinchi bo‘limda kuchliroq o‘ynay boshladik va darhol natijaga erishdik. Barcha futbolchilarni tabriklayman, ular sifatli o‘yin ko‘rsatishdi va albatta muxlislarni tabriklayman", - deya Silvadan iqtibos keltiradi BBC Sport.
