Xabar berganimizdek, qit’amiz bo‘ylab 2023 yili mamlakatimizda o‘tkaziladigan U-20 Osiyo kubogining saralash bahslari o‘tkazilmoqda. Farhod Nishonov boshchilik qilayotgan O‘zbekiston U-19 terma jamoasi Saudiya Arabistonida bo‘lib o‘tayotgan U-20 Osiyo kubogi saralash bosqichi "A" guruhida norasmiy tarzda ishtirok etayotani haqida xabar berib o‘tgandim. Jamoamiz kecha so‘nggi tur doirasida Xitoyga qarshi maydonga chiqdi.

Vakillarimiz bahsning 7-daqiqasida Akbar O‘ktamov tomonidan urilgan gol evaziga hisobni ochishdi. Oradan 10 daqiqa o‘tib esa Abdulla Adiliy xitoyliklarning javob to‘piga mualliflik qildi.

Oradan atigi 6 daqiqa o‘tib o‘zbekistonliklar yana oldinga o‘tib olishdi. Gol muallifi — Javohir Utamurodov.

Birinchi bo‘lim tugashiga 3 daqiqa qolganida Mahmud Jo‘raboyev maydondan chetlatildi. Shunga qaramay, O‘zbekiston U-19 terma jamoasi g‘alabani saqlab qoldi.

Shu tariqa, Farhod Nishonov boshchiligidagi yoshlarimiz yuz foizlik natijani qayd etishdi: 4 ta uchrashuv, 4 ta g‘alaba. Terma jamoamizning bu natijalari "A" guruhiga ta’sir o‘tkazmaydi.

AFC U20 saralash, "A" guruhi, 4-tur
Xitoy - O‘zbekiston - 1:2
Gollar: Abdulla Adiliy (17ʼ) — Akbar O‘ktamov (7ʼ), Javohir Utamurodov (23ʼ).
Chetlatish: Mahmud Jo‘raboyev (42ʼ).
O‘zbekiston U-19: Asrorbek Kenjayev, Javohir Utamurodov, Mirkomil Abdurazzoqov, Sunnatilla Poyonov, Akbar O‘ktamov, Rian Islamov, Toxirbek To‘xtasinov, Mahmud Jo‘raboyev, Asadbek Beglarxonov, Doniyor Valiyev, Rustambek Fomin
Zaxira: Shahzodbek Rahmatullayev,  Asadbek Jo‘raboyev, Maqsudxo‘ja A’loxo‘jayev, Bayram Najafaliyev, Maksim Murkayev, Abror Karimov, Aleksandr Zevadinov, Akmal Kozimov, Shohjahon Xayrullayev, Nodirjon Soyibov, Islomjon Kenjaboyev