Хабар берганимиздек, қитъамиз бўйлаб 2023 йили мамлакатимизда ўтказиладиган U-20 Осиё кубогининг саралаш баҳслари ўтказилмоқда. Фарҳод Нишонов бошчилик қилаётган Ўзбекистон U-19 терма жамоаси Саудия Арабистонида бўлиб ўтаётган U-20 Осиё кубоги саралаш босқичи "А" гуруҳида норасмий тарзда иштирок этаётани ҳақида хабар бериб ўтгандим. Жамоамиз кеча сўнгги тур доирасида Хитойга қарши майдонга чиқди.

Вакилларимиз баҳснинг 7-дақиқасида Акбар Ўктамов томонидан урилган гол эвазига ҳисобни очишди. Орадан 10 дақиқа ўтиб эса Абдулла Адилий хитойликларнинг жавоб тўпига муаллифлик қилди.

Орадан атиги 6 дақиқа ўтиб ўзбекистонликлар яна олдинга ўтиб олишди. Гол муаллифи — Жавоҳир Утамуродов.

Биринчи бўлим тугашига 3 дақиқа қолганида Маҳмуд Жўрабоев майдондан четлатилди. Шунга қарамай, Ўзбекистон U-19 терма жамоаси ғалабани сақлаб қолди.

Шу тариқа, Фарҳод Нишонов бошчилигидаги ёшларимиз юз фоизлик натижани қайд этишди: 4 та учрашув, 4 та ғалаба. Терма жамоамизнинг бу натижалари "А" гуруҳига таъсир ўтказмайди.

AFC U20 саралаш, "А" гуруҳи, 4-тур
Хитой - Ўзбекистон - 1:2
Голлар: Абдулла Адилий (17ʼ) — Акбар Ўктамов (7ʼ), Жавоҳир Утамуродов (23ʼ).
Четлатиш: Маҳмуд Жўрабоев (42ʼ).
Ўзбекистон U-19: Асрорбек Кенжаев, Жавоҳир Утамуродов, Миркомил Абдураззоқов, Суннатилла Поёнов, Акбар Ўктамов, Риан Исламов, Тохирбек Тўхтасинов, Маҳмуд Жўрабоев, Асадбек Беглархонов, Дониёр Валиев, Рустамбек Фомин
Захира: Шаҳзодбек Раҳматуллаев,  Асадбек Жўрабоев, Мақсудхўжа Аълохўжаев, Байрам Нажафалиев, Максим Муркаев, Аброр Каримов, Александр Зевадинов, Акмал Козимов, Шоҳжаҳон Хайруллаев, Нодиржон Сойибов, Исломжон Кенжабоев