Kataloniyaning "Barselona" jamoasi bosh murabbiyi Xavi Ernandes gol nishonlashi tufayli irqchilikka duchor bo‘layotgan "Real" hujumchisi Vinisius Junior haqida gapirdi.
"Har kim golini o‘zi xohlaganidek nishonlaydi. Hurmatni unutmasdan, istagancha nishonlash mumkin. Bu borada cheklovlar qo‘yish ahmoqgarchilik bo‘ladi. Men gol urganimda uni jamoadoshlarim bilan nishonlardim, sababi men uchun futbol – jamoaviy o‘yin", - dedi Xavi.
Avvalroq, "Barsa" vingeri Rafinya, "PSJ" hujumchisi Neymar, "Real" va Braziliya futbol konfederasiyasi Vinisiusni qo‘llab-quvvatlagandi.
