“Manchester Yunayted” va “Yuventus” kabi klublarda o‘ynagan Fransiya terma jamoasining sobiq futbolchisi Patris Evra Fransiya terma jamoasini tanlaganidan afsusda. Unga ko‘ra, u Senegalda o‘ynashi mumkin edi, endi u fikrini o‘zgartirdi.
"Agar vaqtni orqaga qaytarish imkoni bo‘lganida, Fransiyani emas, o‘z vatanim Senegal termasini tanlagan bo‘lardim. Men Dakarda tug‘ilganman, lekin Fransiyada o‘sganman, shuning uchun men Fransiya termasini tanladim.
Ammo vaqt o‘tishi bilan bu masala siyosiy tus olganini angladim. Men yaxshi o‘ynaganimda va g‘alaba qozonganimizda, men matbuot uchun fransuz edim, vaziyat yomonlashganda, ular darhol senegallik ekanligimni yozishdi", deya futbolchining so‘zlaridan iqtibos keltiradi Sports Bief.
