“Манчестер Юнайтед” ва “Ювентус” каби клубларда ўйнаган Франция терма жамоасининг собиқ футболчиси Патрис Эвра Франция терма жамоасини танлаганидан афсусда. Унга кўра, у Сенегалда ўйнаши мумкин эди, энди у фикрини ўзгартирди.

"Агар вақтни орқага қайтариш имкони бўлганида, Францияни эмас, ўз ватаним Сенегал термасини танлаган бўлардим. Мен Дакарда туғилганман, лекин Францияда ўсганман, шунинг учун мен Франция термасини танладим.

Аммо вақт ўтиши билан бу масала сиёсий тус олганини англадим. Мен яхши ўйнаганимда ва ғалаба қозонганимизда, мен матбуот учун француз эдим, вазият ёмонлашганда, улар дарҳол сенегаллик эканлигимни ёзишди", дея футболчининг сўзларидан иқтибос келтиради Sports Bief.