Quyida e’tiboringizga simulyasiyalardan yiroq va halol futbol sari harakat qilgan o‘yinchilarni havola etamiz.
Jon Terri
Angliyalik himoyachi, "Chelsi"ning sobiq sardori, besh karra Angliya chempioni, Chempionlar ligasi g‘olibi. Jon «Chelsi» safida 715 ta o‘yin o‘tkazdi, bu klub tarixidagi eng yaxshi uchinchi ko‘rsatkichdir. Terri ko‘plab janjallarda ishtirok etgan, lekin hech qachon o‘zini yomon tomonlama ko‘rsatmagan va simulyasiya holatlarini deyarli qayd etmagan.
Eden Azar
Belgiyalik yarim himoyachi, "Real Madrid" futbolchisi. "Chelsi"dagi ajoyib o‘yinidan so‘ng Eden Ronalduning o‘rnini bosish uchun Madridga ko‘chib o‘tdi. Afsuski, futbolchi jarohatlar tufayli o‘z o‘yinini ochib berolmadi, avvalgi formasiga qayta olmadi. Shu sababli o‘z muxlislarini ranjitsada, raqiblariningda ko‘ziga yomon ko‘rinmagani diqqatga sazovor.
Filippe Koutinyo
Braziliyalik yarim himoyachi, "Barselona" futbolchisi, hozirda "Aston Villa"da o‘ynamoqda. Juda chaqqon futbolchi, bo‘yi 172 santimetr, katta iste’dodga ega. U buni Kloppning "Liverpul"ida to‘liq amalga oshira oldi. "Barsa"ga o‘tganidan so‘ng, biz bilganimizdek, muvaffaqiyatsizlikka uchradi.
Ueyn Runi
Angliyalik hujumchi, "Manchester Yunayted"ning sobiq futbolchisi, Angliyaning besh karra chempioni, Chempionlar Ligasi g‘olibi, Angliya va "Manchester Yunayted"ning eng yaxshi to‘purari. Ueyn faoliyati davomida sariq va qizil kartochkalarning ajoyib to‘plamini yig‘ib chiqdi desak mubolag‘a bo‘lmaydi. Uning reportyorida biz raqibni tirsak bilan urish, simulyasiyalar va provokasiyalar kabi qo‘pol qoidabuzarliklarni ham, ochiqchasiga qilingan kulgili nayranglarni ham topishimiz mumkin. Ammo simulyasiyalar uning yoshligida qolib ketdi, keyinchalik Ueyn simulyasiya qilishni to‘xtatdi. Balki o‘sha paytda u bilan birga o‘ynagan Krishtianu Ronalduga qarab, u fikrini o‘zgartirgandir.
Lorenso Insinye
Italiyalik hujumchi, butun faoliyatini "Napoli"da o‘tkazgan futbolchi, Yevropa chempioni. Uning bo‘yi 163 santimetr. Shu sababli baland bo‘yli himoyachilar undan to‘pni tortib olishlari qiyin. Asist va uzatmalardan foydalanish qobiliyati sababli muxlislar tomonidan Lorenso Il Manifiko laqabini oldi.
Marko Roys
Germaniyalik yarim himoyachi, Dortmundning "Borussiya" klubi futbolchisi. Marko - "Borussiya Dortmund"da sodiqligining yaqqol ramzi sifatida ko‘rinadi. Birin-ketin foydali takliflarni rad etgani barchamizga sir emas, hattoki "Real"dan ham. Bundan tashqari, u hech qachon soxtalik qilmaydi va atrofdagi eng halol futbolchilardan biridir. Afsuski, futbolchi doimo jarohatlar bilan qiynalib kelishi uning muxlislarini tashvishga soladi.
Dirk Kyuyt
Gollandiyalik hujumchi, "Liverpul"ning sobiq futbolchisi, o‘z avlodining eng yaxshisi bo‘lmasa-da, hurmatga sazovor futbolchilaridan biri. U ko‘pincha adolatsizliklar girdobiga tushib qolgan. Shunga qaramasdan o‘z davrining eng kuchli himoyachilari yig‘ilgan davrda ham o‘z mavqeyini yo‘qotib qo‘ymagan.
Karles Puyol
Ispaniyalik himoyachi, "Barselona"ning sobiq futbolchisi, olti karra Ispaniya chempioni, Chempionlar ligasining uch karra g‘olibi, buyuk "Barselona" va Ispaniya terma jamoasi davrining ramzi, klubga sodiqlik ramzi. Karles Puyol faoliyatini ancha erta yakunladi - u 32 yoshida terma jamoani tark etdi, klubda shundan biroz ko‘proq o‘ynadi. Bunga sabab uning olgan ko‘plab jarohatlari edi, chunki Karles hech qachon maydonda o‘zini ayamamagan. Biroq shunga qaramay uning ishtirokida hech qachon mug‘ombirlik holatlarini ko‘rmaysiz.
Roy Kin
Irlandiyalik yarim himoyachi, "Manchester Yunayted"ning sobiq futbolchisi, 7 karra Angliya chempioni, Chempionlar ligasi g‘olibi. Roy Kin ingliz futbolida eng ko‘p qizil kartochka olish bo‘yicha rekordchi hisoblanadi - 13. To‘g‘ri, u buni Roy Makdonu va Stiv Uolsh bilan bo‘lishib turibdi. Ulardan farqli o‘laroq, Kin o‘z nomini boshqa jihatlari bo‘yicha ko‘rsatib qo‘ydi. Uni muxlislar halol futbolchilar qatorida ko‘rishadi.
Lionel Messi
Argentinalik hujumchi, "Barselona" afsonasi, hozirda "PSJ" futbolchisi. Lionel jiddiy va xavfli vaziyatlarga borganida raqib unga zarracha tegsa ham yiqilmaydi, doim himoyachilar qurshovidan oxirigacha chiqib ketishga harakat qiladi. Ajoyib inson, ajoyib futbolchi. To‘g‘ri emasmi?
