Dortmundning “Borussiya” klubi yarim himoyachisi Marko Roys “Shalke”ga qarshi Germaniya chempionatining muhim uchrashuvida jarohat oldi.
Derbining birinchi bo‘limida futbolchi raqib yarim himoyachisi Florian Flik bilan to‘qnashib ketish natijasida maydonga yiqildi.
Roys maydonni o‘zi tark eta olmadi va uni zambilda olib chiqib ketishdi.
Eslatib o‘tamiz, Marko Roys faoliyati davomida turli jarohatlar tufayli ko‘plab xalqaro turnirlarni o‘tkazib yuborgan. Shu jumladan, Germaniya g‘olib bo‘lgan 2014 yilgi Braziliyada bo‘lib o‘tgan jahon chempionatida ham ishtirok etmagan.













