Дортмунднинг “Боруссия” клуби ярим ҳимоячиси Марко Ройс “Шальке”га қарши Германия чемпионатининг муҳим учрашувида жароҳат олди.
Дербининг биринчи бўлимида футболчи рақиб ярим ҳимоячиси Флориан Флик билан тўқнашиб кетиш натижасида майдонга йиқилди.
Ройс майдонни ўзи тарк эта олмади ва уни замбилда олиб чиқиб кетишди.
Эслатиб ўтамиз, Марко Ройс фаолияти давомида турли жароҳатлар туфайли кўплаб халқаро турнирларни ўтказиб юборган. Шу жумладан, Германия ғолиб бўлган 2014 йилги Бразилияда бўлиб ўтган жаҳон чемпионатида ҳам иштирок этмаган.
