Angliya Premyer-ligasining 7-tur uchrashuvida Londonning “Arsenal” jamoasi safarda “Brentford” mehmoni bo‘lib, raqib darvozasiga javobsiz uchta gol urdi. Bu "Brentford"ning joriy mavsumdagi ikkinchi va yirik hisobdagi birinchi mag‘lubiyati bo‘ldi. Klub bosh murabbiyi Tomas Frank uchrashuv haqidagi fikrlari bilan o‘rtoqlashdi.
"APL peshqadamiga 0:3 hisobida mag‘lub bo‘ldik. Menimcha, biz juda yaxshi o‘ynadik, albatta 5 bahoga emas, lekin biz ahmoqona birinchi golni o‘tkazib yubordik. Ahmoqlarcha mag‘lubiyatga uchrashdan nafratlanaman. Ammo baribir biz peshqadamlik qilayotgan va mening fikrimcha, chempionlikka da’vogar bo‘ladigan klubga yutqazdik" - dedi Frank BBC Sport bilan suhbatda.
