Англия Премьер-лигасининг 7-тур учрашувида Лондоннинг “Арсенал” жамоаси сафарда “Брентфорд” меҳмони бўлиб, рақиб дарвозасига жавобсиз учта гол урди. Бу "Брентфорд"нинг жорий мавсумдаги иккинчи ва йирик ҳисобдаги биринчи мағлубияти бўлди. Клуб бош мураббийи Томас Франк учрашув ҳақидаги фикрлари билан ўртоқлашди.
"АПЛ пешқадамига 0:3 ҳисобида мағлуб бўлдик. Менимча, биз жуда яхши ўйнадик, албатта 5 баҳога эмас, лекин биз аҳмоқона биринчи голни ўтказиб юбордик. Аҳмоқларча мағлубиятга учрашдан нафратланаман. Аммо барибир биз пешқадамлик қилаётган ва менинг фикримча, чемпионликка даъвогар бўладиган клубга ютқаздик" - деди Франк BBC Sport билан суҳбатда.
