"Sevilya" bosh murabbiyi Xulen Lopetegi Ispaniya chempionatining 6-turi doirasida "Vilyarreal"ga qarshi o‘yindan so‘ng intervyu berdi. Uchrashuv 1:1 hisobida durang bilan yakunlandi.
“Jamoa o‘yinni yaxshi boshladi. Ammo tanaffusdan keyin uchta majburiy almashtirishni amalga oshirishim kerak edi. Taktikaga kelsak, uchrashuv qiyin kechdi.
Mening kelajagim? Menimcha, bu haqda gapirishga hali erta. Biz boshqa jamoalar bilan raqobatlashish uchun rivojlanishda davom etish niyatidamiz”, - dedi mutaxassis Marca nashriga.
Olti turdan so‘ng andalusiyaliklar besh ochko jamg‘arib, La Liga jadvalida 15-o‘rinni egallab turishibdi.
