"Севилья" бош мураббийи Хулен Лопетеги Испания чемпионатининг 6-тури доирасида "Вильярреал"га қарши ўйиндан сўнг интервью берди. Учрашув 1:1 ҳисобида дуранг билан якунланди.
“Жамоа ўйинни яхши бошлади. Аммо танаффусдан кейин учта мажбурий алмаштиришни амалга оширишим керак эди. Тактикага келсак, учрашув қийин кечди.
Менинг келажагим? Менимча, бу ҳақда гапиришга ҳали эрта. Биз бошқа жамоалар билан рақобатлашиш учун ривожланишда давом этиш ниятидамиз”, - деди мутахассис Marca нашрига.
Олти турдан сўнг андалусияликлар беш очко жамғариб, Ла Лига жадвалида 15-ўринни эгаллаб туришибди.
