Polisiya "Yuventus" yarim himoyachisi Pol Pogba bilan bog‘liq tovlamachilik ishi bo‘yicha tergovni davom ettirmoqda.

Futbolchining ukasi Matias va yana bir qancha gumonlanuvchilar o‘tgan hafta hibsga olingan edi.

Bu ishning ilk epizodlaridan biri mart oyida, Pogba do‘stlari bilan kvartirada qolganida sodir bo‘lgan.

Ular futbolchini telefonni o‘chirishga majbur qilishgan va bir necha daqiqadan so‘ng xonaga o‘q o‘tkazmaydigan jilet kiygan ikki kishi kirib kelgan.

Do‘sti Pogbani bu yo‘lda “himoya qilish” uchun 13 million yevro to‘lashni taklif qilgan.

“Bu qo‘rqinchli edi. Ular qurollarini menga qaratdi. Do‘q-po‘pisalar tufayli yig‘lashimga bir bahya qoldi, lekin ular “jim bo‘l, qarama” deb baqirishdi.

Ikki qalpoqli odamdan biri qulog‘imga nimadir deb pichirladi. Ular ketishganda, do‘stim men pulni to‘lashim kerakligini aytdi, aks holda biz hammamiz xavf ostidamiz", - deydi Pogba polisiya bayonotida.