"Inter" himoyachisi Robin Gosens "Bavariya" Bundesligada inqirozni boshdan kechirayotganidan hayratda. Eslatib o‘tamiz, Yulian Nagelsmann jamoasi qatorasiga 4ta o‘yindan beri g‘alaba qozona olmayapti. So‘nggi turda myunxenliklar safarda “Augsburg”ga 0:1 hisobida imkoniyatni boy berishdi.

"Bavariya" bilan o‘yindan so‘ng biz kiyinish xonasida jamoadoshlarim bilan gaplashdik. Deyarli hamma: "Voy, ular qanchalik qizg‘in o‘ynashadi!" - dedi. Bu Yevropadagi eng yuqori saviyali o‘yindir", - dedi Gosens Kicker bilan suhbatda.

Eslatib o‘tamiz, "Bavariya" Chempionlar ligasi guruh bosqichining 1-turida safarda "Inter"ni 2:0 hisobida mag‘lub etgandi. Ikkinchi turda myunxenliklar o‘z maydonida “Barselona”ni xuddi shunday hisobda mag‘lub etdi.