Ispaniyaning “Barselona” klubi hujumchisi Robert Levandovski Yevropa Chempionlar Ligasi doirasidagi “Bavariya”ga qarshi uchrashuv haqida fikr bildirdi.
“To‘g‘risini aytsam, “Alyans Arena”ga bunchalik tez qaytib, o‘ynashimni xayolimga keltirmagan edim. Hissiy jihatdan bu barcha uchrashuvlardan farq qilar edi, sportda bunaqasini kamdan-kam his qilasiz. Men Myunxenda 8 yil o‘ynadim, bir necha yuzlab gol urdim, barcha mumkin bo‘lgan sovrinlarni qo‘lga kiritdim va kutilmaganda u yerdan ketishim bilan sobiq sheriklarimga qarshi o‘ynashimga to‘g‘ri keldi. Hissiy jihatdan hayotimdagi eng og‘ir o‘yin bo‘ldi, gol urmoqchi edim, lekin ichimda nimadir doim halaqit berib turdi.
O‘tgan 8 yilni bir necha hafta ichida unutib bo‘lmaydi. Agar biz 4:2 yoki 5:2 hisobida yutganimizda, hech kim buni sensasiya sifatida baholamasdi. Muxlislarning menga qiladigan muomalasidan qo‘rqmadim, chunki men "Barselona" futbolchisi sifatida allaqachon Myunxenda bo‘lganman va ko‘chada uchragan muxlislar menga nima deyishini yaxshi bilaman. “Bavariya” muxlislariga mehrim boshqacha”, — dedi "Barselona" hujumchisi.
