Испаниянинг “Барселона” клуби ҳужумчиси Роберт Левандовски Европа Чемпионлар Лигаси доирасидаги “Бавария”га қарши учрашув ҳақида фикр билдирди.

“Тўғрисини айтсам, “Альянц Арена”га бунчалик тез қайтиб, ўйнашимни хаёлимга келтирмаган эдим. Ҳиссий жиҳатдан бу барча учрашувлардан фарқ қилар эди, спортда бунақасини камдан-кам ҳис қиласиз. Мен Мюнхенда 8 йил ўйнадим, бир неча юзлаб гол урдим, барча мумкин бўлган совринларни қўлга киритдим ва кутилмаганда у ердан кетишим билан собиқ шерикларимга қарши ўйнашимга тўғри келди. Ҳиссий жиҳатдан ҳаётимдаги энг оғир ўйин бўлди, гол урмоқчи эдим, лекин ичимда нимадир доим ҳалақит бериб турди.

Ўтган 8 йилни бир неча ҳафта ичида унутиб бўлмайди. Агар биз 4:2 ёки 5:2 ҳисобида ютганимизда, ҳеч ким буни сенсация сифатида баҳоламасди. Мухлисларнинг менга қиладиган муомаласидан қўрқмадим, чунки мен "Барселона" футболчиси сифатида аллақачон Мюнхенда бўлганман ва кўчада учраган мухлислар менга нима дейишини яхши биламан. “Бавария” мухлисларига меҳрим бошқача”, — деди "Барселона" ҳужумчиси.