Niderlandiya terma jamoasi bosh murabbiyi Lui van Galning ma’lum qilishicha, ba’zi futbolchilar yozgi transferlar vaqtida u bilan keyingi faoliyati haqida maslahatlashgan.
"Transfer oynasi vaqtida ba’zi futbolchilar menga qo‘ng‘iroq qilgani rost. Ammo men suhbatni har doim shunday ibora bilan tugatganman: "Bu mening maslahatim, lekin qarorni o‘zingiz qabul qilasiz". Ishlar natijasidan mamnunman, lekin Frenki de Yong va Memfis Depay hozirgidan ko‘ra tez-tez o‘ynasalar, baxtliroq bo‘lardim", deya xulosa qildi van Gal matbuot anjumanida.
