Madridning “Real” klubi himoyachisi Antonio Ryudiger “qaymoqranglilar” safida o‘ynashni hech qachon orzu qilmaganini tan oldi. Futbolchining so‘zlariga ko‘ra, uning asosiy orzusi Angliya Premyer-ligasida o‘ynash bo‘lgan.
Eslatib o‘tamiz, 2017 yildan 2022 yilgacha nemis futbolchisi "Chelsi" safida o‘ynagan va unda Chempionlar ligasi, Yevropa ligasi, Angliya kubogi, klublar o‘rtasidagi Jahon chempionati va UEFA Superkubogida g‘olib chiqqan.
"Real"da o‘ynashni orzu qilganman deb ayta olmayman, mening orzuim Angliya Premyer-ligasi edi. "Real Madrid"da o‘ynash fantaziyamga sig‘mas edi", - deya nemis so‘zlaridan iqtibos keltiradi Sport1.
