Мадриднинг “Реал” клуби ҳимоячиси Антонио Рюдигер “қаймоқранглилар” сафида ўйнашни ҳеч қачон орзу қилмаганини тан олди. Футболчининг сўзларига кўра, унинг асосий орзуси Англия Премьер-лигасида ўйнаш бўлган.
Эслатиб ўтамиз, 2017 йилдан 2022 йилгача немис футболчиси "Челси" сафида ўйнаган ва унда Чемпионлар лигаси, Европа лигаси, Англия кубоги, клублар ўртасидаги Жаҳон чемпионати ва УEФА Суперкубогида ғолиб чиққан.
"Реал"да ўйнашни орзу қилганман деб айта олмайман, менинг орзуим Англия Премьер-лигаси эди. "Реал Мадрид"да ўйнаш фантазиямга сиғмас эди", - дея немис сўзларидан иқтибос келтиради Sport1.
