Doneskning "Shaxtyor" klubi yarim himoyachisi Mixaylo Mudrik hamon Londonning "Arsenal" klubi qiziqishlari doirasida bo‘lib turibdi. Ingliz klubi "ukrainalik Neymar" nomini olgan 21 yoshli yarim himoyachini qo‘lga kiritish uchun beshta jamoa bilan kurashadi. Bu haqda The Sun nashri xabar bermoqda.
Manba bergan xabarga ko‘ra, "kanonirlar" yozgi transfer oynasida futbolchi bilan shaxsiy shartlarda kelishib olgan, biroq transfer amalga oshmagan. "Arsenal" bosh murabbiyi Mikel Arteta Mudrikning ashaddiy muxlisi bo‘lib qolmoqda.
Mudrik joriy mavsumda barcha musobaqalarda beshta o‘yinda ikkita gol urdi va uchta golli uzatmani amalga oshirdi.