Донецкнинг "Шахтёр" клуби ярим ҳимоячиси Михайло Мудрик ҳамон Лондоннинг "Арсенал" клуби қизиқишлари доирасида бўлиб турибди. Инглиз клуби "украиналик Неймар" номини олган 21 ёшли ярим ҳимоячини қўлга киритиш учун бешта жамоа билан курашади. Бу ҳақда The Sun нашри хабар бермоқда.
Манба берган хабарга кўра, "канонирлар" ёзги трансфер ойнасида футболчи билан шахсий шартларда келишиб олган, бироқ трансфер амалга ошмаган. "Арсенал" бош мураббийи Микель Артета Мудрикнинг ашаддий мухлиси бўлиб қолмоқда.
Мудрик жорий мавсумда барча мусобақаларда бешта ўйинда иккита гол урди ва учта голли узатмани амалга оширди.