"Aston Villa" yarim himoyachisi Duglas Luis boshqa jamoaga o‘tishi mumkin. Braziliyalik futbolchini o‘z safiga Londonning "Arsenal" va "Chelsi" klublari hamda Ispaniyaning "Barselona" klublari qiziqmoqda. “Aston Villa” futbolchi uchun 46 million yevro olishni maqsad qilgan, biroq uning shartnomasi mavsum oxirida tugaydi. Bu haqda Football365 xabar bermoqda.
Manbaga ko‘ra, "Arsenal" o‘tgan yoz mavsumida Luis uchun uch bor taklif bilan chiqqan. Biroq ularning hech biri "Aston Villa"ga mos kelmadi.
24 yoshli Duglas Luis 2019 yilning yozida "Manchester Siti"dan "Aston Villa"ga o‘tgan edi. Yarim himoyachi joriy mavsumda yettita o‘yinda ikkita gol urdi.