"Roma" "Bude-Glimt" yarim himoyachisi Ole Solbakkenni yanvar oyida tekinga o‘z safiga qo‘shib olishi mumkin, deb yozadi insayder Nikolo Skira. Futbolchining klub bilan shartnomasi 2022 yilning dekabrida yakuniga yetadi.

Manba bergan xabarga ko‘ra, 24 yoshli norvegiyalik futbolchi rimliklar bilan mavsumiga 1 million yevro maosh bilan 4,5 yillik shartnoma imzolashga rozi.

Konferensiyalar ligasining so‘nggi mavsumida Solbakken guruh bosqichidagi ikkita o‘yinda "Roma" darvozasiga 3 ta gol urdi.

Joriy mavsumda yarim himoyachi klub safida barcha turnirlar doirasida 13 ta o‘yinda maydonga tushib, 1 ta gol urdi va 5 ta golli uzatmani amalga oshirdi.