"Рома" "Буде-Глимт" ярим ҳимоячиси Оле Сольбаккенни январь ойида текинга ўз сафига қўшиб олиши мумкин, деб ёзади инсайдер Николо Скира. Футболчининг клуб билан шартномаси 2022 йилнинг декабрида якунига етади.
Манба берган хабарга кўра, 24 ёшли норвегиялик футболчи римликлар билан мавсумига 1 миллион евро маош билан 4,5 йиллик шартнома имзолашга рози.
Конференциялар лигасининг сўнгги мавсумида Сольбаккен гуруҳ босқичидаги иккита ўйинда "Рома" дарвозасига 3 та гол урди.
Жорий мавсумда ярим ҳимоячи клуб сафида барча турнирлар доирасида 13 та ўйинда майдонга тушиб, 1 та гол урди ва 5 та голли узатмани амалга оширди.
