A Seriya tartib-intizom komissiyasi Italiya chempionati 7-tur uchrashuvlari yakunlariga ko‘ra bir qator qarorlar qabul qildi.

Unga ko‘ra, "Yuventus"ning hujumkor yarim himoyachisi Anxel di Mariya ikki o‘yinga diskvalifikasiya qilindi.

Yakshanba kuni bo‘lib o‘tgan “Monsa”ga qarshi o‘yinda argentinalik futbolchi tirsagi bilan raqibning qovurg‘asiga zarba berdi va shu bilan tajovuzkor harakatini ko‘rsatdi.

Shu tariqa, Anxel "Yuventus"ga Italiya chempionati doirasidagi "Bolonya" va "Milan"ga qarshi o‘yinlarda yordam bermaydi.

E’tiborlisi, "Yuventus" mavsumni yomon boshlamoqda. Ayni damda Massimiliano Allegri jamoasi A Seriya turnir jadvalida atigi sakkizinchi o‘rinni egallab turibdi.