UYEFA yana bir turnir tashkil etish imkoniyatini ko‘rib chiqmoqda.
The Athletic nashrining xabariga ko‘ra, g‘oya har yili mavsum boshlanishidan oldin qisqa "Ochilish turniri" o‘tkazish ekanligi ma’lum bo‘ldi. Unda Chempionlar ligasining amaldagi kubogi sohibi va yana uchta top-klub ishtirok etadi.
Aytish joizki, dunyoning ko‘plab yetakchi klublari murabbiylari futbol rahbariyatini, jumladan, UYEFAni yangi turnirlar tashkil etish va o‘ta tig‘iz taqvim uchun muntazam ravishda tanqid qilishadi.
Eslatib o‘tamiz, o‘tgan mavsumdan boshlab UYEFA klublari o‘rtasidagi uchta musobaqa o‘tkazilmoqda - Konferensiya ligasi Chempionlar ligasi va Yevropa ligasiga qo‘shildi. Ushbu turnirning birinchi g‘olibi Italiyaning "Roma" klubi bo‘ldi.
