Kataloniyaning "Barselona" klubi sobiq futbolchisi Ronaldinyo "ko‘k-anorranglilar"ning istiqbollari haqida gapirdi. Uning fikricha, jamoada avvalgi darajaga qaytish uchun hamma narsa bor.
"Barselona"da ajoyib murabbiy va ajoyib o‘yinchilar bor, ular yozda kuchli yangi futbolchilarni sotib olishdi. Ularda ajoyib yosh avlod bor. "Barselona" yana yuqorida bo‘lishi uchun hamma narsaga ega", - dedi Ronaldinyo Mundo Deportivo bilan suhbatda.
Joriy mavsumda “ko‘k-anorranglilar” 16 ochko bilan Ispaniya chempionati turnir jadvalida ikkinchi o‘rinni egallab turishibdi. Xavi Ernandes shogirdlari peshqadam “Real”dan 2 ochko ortda qolmoqda.
