Ukraina terma jamoasi va “Milan” klubi sobiq hujumchisi Andrey Shevchenko “rossonerilar” bosh murabbiyi Stefano Pioli faoliyati haqida o‘z fikrlari bilan o‘rtoqlashdi.
“Murabbiy jamoa bilan ajoyib ish qildi. Men uni hurmat qilaman. Pioli "Milan"ni yana Italiya futboli cho‘qqisiga olib chiqa oldi. Bu yana g‘olib jamoa. Uzoq tanaffusdan so‘ng “rossonerilar”ning skudettoni qo‘lga kiritishini ko‘rish men uchun zavqli bo‘ldi”, — dedi ukrainalik sobiq futbolchi Football-Italia bilan suhbatda.
Eslatib o‘tamiz, "Milan" o‘tgan mavsumda A Seriya chempioniga aylangandi. Joriy mavsumda jamoa besh turdan keyin beshinchi o‘rinni egallab turibdi.
