Украина терма жамоаси ва “Милан” клуби собиқ ҳужумчиси Андрей Шевченко “россонерилар” бош мураббийи Стефано Пиоли фаолияти ҳақида ўз фикрлари билан ўртоқлашди.
“Мураббий жамоа билан ажойиб иш қилди. Мен уни ҳурмат қиламан. Пиоли "Милан"ни яна Италия футболи чўққисига олиб чиқа олди. Бу яна ғолиб жамоа. Узоқ танаффусдан сўнг “россонерилар”нинг скудеттони қўлга киритишини кўриш мен учун завқли бўлди”, — деди украиналик собиқ футболчи Football-Italia билан суҳбатда.
Эслатиб ўтамиз, "Милан" ўтган мавсумда А Серия чемпионига айланганди. Жорий мавсумда жамоа беш турдан кейин бешинчи ўринни эгаллаб турибди.
