"Milan" rahbariyati jamoa bosh murabbiyi Stefano Piolining kelajagi borasida yakuniy qarorga keldi. Rahbariyat murabbiyni jamoadagi asosiy shaxs deb hisoblaydi va u bilan hamkorlikni uzaytirishni rejalashtirmoqda. Tomonlar o‘rtasidagi amaldagi shartnoma mavsum oxirida yakuniga yetadi.
Tuttomercatoweb nashri xabariga ko‘ra, "rossonerilar" mutaxassis bilan 2024 yilning yoziga qadar mo‘ljallangan yangi shartnomani muhokama qilmoqchi.
56 yoshli mutaxassis 2019 yilning oktyabr oyidan buyon "Milan"ni boshqarib kelmoqda. Uning qo‘l ostida milanliklar o‘tgan mavsumda skudettoni qo‘lga kiritishdi.
A Seriyaning joriy mavsumida “rossonerilar” 14 ochko jamg‘arib, turnir jadvalida beshinchi o‘rinni egallab turibdi.
