"Милан" раҳбарияти жамоа бош мураббийи Стефано Пиолининг келажаги борасида якуний қарорга келди. Раҳбарият мураббийни жамоадаги асосий шахс деб ҳисоблайди ва у билан ҳамкорликни узайтиришни режалаштирмоқда. Томонлар ўртасидаги амалдаги шартнома мавсум охирида якунига етади.

Tuttomercatoweb нашри хабарига кўра, "россонерилар" мутахассис билан 2024 йилнинг ёзига қадар мўлжалланган янги шартномани муҳокама қилмоқчи.

56 ёшли мутахассис 2019 йилнинг октябрь ойидан буён "Милан"ни бошқариб келмоқда. Унинг қўл остида миланликлар ўтган мавсумда скудеттони қўлга киритишди.

А Сериянинг жорий мавсумида “россонерилар” 14 очко жамғариб, турнир жадвалида бешинчи ўринни эгаллаб турибди.