"Real" xo‘jayinlari 2021/2022 yilgi mavsum oxiridagi muzokaralar buzilganidan keyin fransiyalik hujumchi Kilian Mbappeni taklif qilish haqida o‘ylamayapti.
O‘shanda tomonlar kelishuvga yaqin qolgandi, ammo uzoq davom etgan muzokaralardan so‘ng futbolchi "qaymoqranglilar" safiga o‘tishdan bosh tortdi va "PSJ" bilan yangi foydali shartnoma imzoladi.
El Debate nashrining yozishicha, “qirollik klubi" Mbappening qilmishini xiyonat deb biladi. Madridda Kilian "PSJ" bilan yirik shartnoma imzolash uchun ataylab "Real" bilan muzokara olib borishdan foydalangan, deb hisoblashmoqda. Qolaversa, klub bundan keyin jamoa muxlislari fransiyalik futbolchini qabul qilmasligiga ishonch bildirmoqda.
Mbappening "PSJ" bilan yangi shartnomasi 2025 yilning o‘rtalariga qadar amal qiladi.
