Milanning “Inter” klubi rahbariyati jamoa bosh murabbiyi Simone Indzagi bilan uchrashdi. Unda tomonlar kelgusidagi hamkorlikni muhokama qilishdi, deb xabar bermoqda Corriere dello Sport.
Manba bergan xabarga ko‘ra, "neradzurrilar" rahbarlari muzokaralar chog‘ida mutaxassisga to‘liq ishonishlarini va u bilan shartnomani bekor qilishni rejalashtirmaganliklarini aytishgan. Klub Simone hozirgi vaziyatni to‘g‘irlab, kamida 2021/2022 yilgi mavsumdagidek natijaga erisha oladi, deb hisoblamoqda.
A Seriyaning yetti tur natijalariga ko‘ra, milanliklar 12 ochko jamg‘arib, turnir jadvalida yettinchi o‘rinni egallab turibdi.
