Миланнинг “Интер” клуби раҳбарияти жамоа бош мураббийи Симоне Индзаги билан учрашди. Унда томонлар келгусидаги ҳамкорликни муҳокама қилишди, деб хабар бермоқда Corriere dello Sport.
Манба берган хабарга кўра, "нерадзуррилар" раҳбарлари музокаралар чоғида мутахассисга тўлиқ ишонишларини ва у билан шартномани бекор қилишни режалаштирмаганликларини айтишган. Клуб Симоне ҳозирги вазиятни тўғирлаб, камида 2021/2022 йилги мавсумдагидек натижага эриша олади, деб ҳисобламоқда.
А Сериянинг етти тур натижаларига кўра, миланликлар 12 очко жамғариб, турнир жадвалида еттинчи ўринни эгаллаб турибди.
