"Barselona"dan ijaraga olingan "Atletiko" hujumchisi Antuan Grizmann faoliyatini Italiyada davom ettirishi mumkin, deya xabar beradi La Gazette Dello Sport.
Manbaga ko‘ra, 31 yoshli fransiyalik futbolchiga "Yuventus" da’vogarlik qilmoqda. Shu bilan birga, Turin klubiga o‘tgan taqdirda futbolchi maoshini sezilarli darajada kamaytirishga majbur bo‘ladi.
Avvalroq "Barselona" "Atletiko"ni sudga bermoqchi ekani ma’lum bo‘lgandi. Kataloniya rahbariyati madridliklar bonuslarni to‘lamaslik uchun Grizmanning maydondagi vaqtini ataylab cheklashiga ishonmoqda.
Grizmann joriy mavsumda "Atletiko Madrid" safida 8 ta o‘yinda maydonga tushib, jami 282 daqiqa o‘ynadi. Uning hisobida 3 ta gol va 1 ta golli uzatma bor.
