"Барселона"дан ижарага олинган "Атлетико" ҳужумчиси Антуан Гризманн фаолиятини Италияда давом эттириши мумкин, дея хабар беради La Gazette Dello Sport.
Манбага кўра, 31 ёшли франциялик футболчига "Ювентус" даъвогарлик қилмоқда. Шу билан бирга, Турин клубига ўтган тақдирда футболчи маошини сезиларли даражада камайтиришга мажбур бўлади.
Аввалроқ "Барселона" "Атлетико"ни судга бермоқчи экани маълум бўлганди. Каталония раҳбарияти мадридликлар бонусларни тўламаслик учун Гризманнинг майдондаги вақтини атайлаб чеклашига ишонмоқда.
Гризманн жорий мавсумда "Атлетико Мадрид" сафида 8 та ўйинда майдонга тушиб, жами 282 дақиқа ўйнади. Унинг ҳисобида 3 та гол ва 1 та голли узатма бор.
