Germaniya terma jamoasi yarim himoyachisi Yonas Xofmann Millatlar ligasining 5-turida Vengriyadan uchralgan mag‘lubiyat (0:1) haqida fikr bildirdi.

“Birinchi bo‘limda biz "uxladik". Ikkinchisida esa tezroq o‘ynashga harakat qildik. Biz ustunlik qildik, lekin ko‘p vaziyatlar yarata olmadik. Oxirgi pas va zarbalar aniqligi yetishmadi. Bugungi mag‘lubiyatdan xafa bo‘ldik, lekin boshimizni pastga tushirmaymiz", - deya Xofmanning so‘zlarini keltiradi UEFA matbuot xizmati.

Vengriya terma jamoasi 10 ochko bilan guruhda peshqadamlik qilmoqda. Germaniya uchinchi o‘ringa tushib ketdi (6 ochko).