Germaniya terma jamoasi bosh murabbiyi Xans Flik Millatlar ligasining 5-turida Vengriyadan uchralgan mag‘lubiyat (0:1) haqida fikr bildirdi.
“Ushbu o‘yin ko‘zimizni ochdi. Hozir jahon chempionatidagidan yaxshiroq. Birinchi bo‘limda juda yomon ko‘rindik, yetarlicha faol bo‘lmadik va ko‘p xatolarga yo‘l qo‘ydik. Bizda ishonch yetishmadi. Ikkinchi bo‘limda hammasi yaxshi edi, ammo biz hali ham yetarlicha imkoniyatlar yarata olmadik", - deya Flik so‘zlaridan iqtibos keltiradi UEFA rasmiy sayti.
Germaniya Millatlar ligasi A divizioni 3-guruhida uchinchi o‘rinda bormoqda. Vengerlardan uchralgan mag‘lubiyatdan so‘ng jamoa birinchi pog‘onaga ko‘tarilish va turnirning final bosqichiga chiqish imkoniyatidan mahrum bo‘ldi.
