Германия терма жамоаси бош мураббийи Ханс Флик Миллатлар лигасининг 5-турида Венгриядан учралган мағлубият (0:1) ҳақида фикр билдирди.
“Ушбу ўйин кўзимизни очди. Ҳозир жаҳон чемпионатидагидан яхшироқ. Биринчи бўлимда жуда ёмон кўриндик, етарлича фаол бўлмадик ва кўп хатоларга йўл қўйдик. Бизда ишонч етишмади. Иккинчи бўлимда ҳаммаси яхши эди, аммо биз ҳали ҳам етарлича имкониятлар ярата олмадик", - дея Флик сўзларидан иқтибос келтиради УEФА расмий сайти.
Германия Миллатлар лигаси А дивизиони 3-гуруҳида учинчи ўринда бормоқда. Венгерлардан учралган мағлубиятдан сўнг жамоа биринчи поғонага кўтарилиш ва турнирнинг финал босқичига чиқиш имкониятидан маҳрум бўлди.
