"Barselona" himoyachilari Ronald Arauxo va Jyul Kunde 16 oktyabr kuni "Santyago Bernabeu"da bo‘lib o‘tadigan "Real"ga qarshi o‘yinda jamoasiga yordam bermasligi mumkin.
Madrid Zone tarqatgan ma’lumotlarga ko‘ra, jarohat olgan himoyachilar "qaymoqranglilar" bilan bo‘lib o‘tadigan eng muhim o‘yinda tiklanishga ulgurmay qolishlari mumkin. O‘z navbatida Frenki de Yong va Memfis Depaylar "El-Klasiko"gacha safga qaytishlari kutilmoqda.
Eslatib o‘tamiz, ayni damda "Real" Ispaniya chempionati turnir jadvalida "Barselona"dan ikki ochkoga oldinda bormoqda. Karlo Anchelotti shogirdlari La Ligada 6ta o‘yinda g‘alaba qozongan bo‘lsa, "ko‘k-anorranglilar" birinchi turda “Rayo Valyekano” bilan durang o‘ynagandi.
