Fransuzlar Millatlar ligasi bahsida Daniyaga (0:2) imkoniyatni boy berib, navbatdagi mag‘lubiyatni qabul qilib olishdi.
Bugungi mag‘lubiyat Didye Desham jamoasi uchun 2022 yil boshidan beri uchinchisi bo‘ldi. Shu tariqa, Fransiya terma jamoasi bir kalendar yilidagi rasmiy o‘yinlardagi mag‘lubiyatlar soni bo‘yicha o‘zining eng yomon natijasini takrorladi, deb xabar beradi Opta.
"Uch ranglilar" avval 2010, 2008, 1981 va 1966 yillarda uch marta mag‘lub bo‘lishgan. Agar Fransiya Qatarda bo‘lib o‘tadigan jahon chempionatida kamida bir marta mag‘lub bo‘lsa, rekord yangilanadi.
Fransiya atigi besh ochko bilan Millatlar ligasi guruhida uchinchi o‘rinni egalladi.
