Французлар Миллатлар лигаси баҳсида Данияга (0:2) имкониятни бой бериб, навбатдаги мағлубиятни қабул қилиб олишди.
Бугунги мағлубият Дидье Дешам жамоаси учун 2022 йил бошидан бери учинчиси бўлди. Шу тариқа, Франция терма жамоаси бир календар йилидаги расмий ўйинлардаги мағлубиятлар сони бўйича ўзининг энг ёмон натижасини такрорлади, деб хабар беради Opta.
"Уч ранглилар" аввал 2010, 2008, 1981 ва 1966 йилларда уч марта мағлуб бўлишган. Агар Франция Қатарда бўлиб ўтадиган жаҳон чемпионатида камида бир марта мағлуб бўлса, рекорд янгиланади.
Франция атиги беш очко билан Миллатлар лигаси гуруҳида учинчи ўринни эгаллади.
