Joriy mavsumda “Nottingem Forest”da ijara asosida o‘ynayotgan “Manchester Yunayted” darvozaboni Din Xenderson Angliya chempionatining eng yaxshi hujumchisi nomini aytdi.
“Albatta, bu Xarri Keyn. U shunchaki aql bovar qilmaydigan zarbaga ega. Bu yigit har qanday pozitsiyadan zarba berishga qodir. Agar to‘p uning oyog‘ida bo‘lsa, darvozabon doimo tayyor bo‘lishi kerak. Keynni o‘qish juda qiyin, chunki u oxirgi daqiqada oyog‘ini bura boshlaydi. U Premyer-liganing eng yaxshisidir”, - dedi darvozabon Talksport nashriga.
29 yoshli hujumchi joriy mavsum Angliya Premyer-ligasida 7 ta o‘yinda maydonga tushib, 6 ta gol va bitta golli uzatmani amalga oshirdi.
