Жорий мавсумда “Ноттингем Форест”да ижара асосида ўйнаётган “Манчестер Юнайтед” дарвозабони Дин Хендерсон Англия чемпионатининг энг яхши ҳужумчиси номини айтди.
“Албатта, бу Харри Кейн. У шунчаки ақл бовар қилмайдиган зарбага эга. Бу йигит ҳар қандай позитсиядан зарба беришга қодир. Агар тўп унинг оёғида бўлса, дарвозабон доимо тайёр бўлиши керак. Кейнни ўқиш жуда қийин, чунки у охирги дақиқада оёғини бура бошлайди. У Премьер-лиганинг энг яхшисидир”, - деди дарвозабон Talksport нашрига.
29 ёшли ҳужумчи жорий мавсум Англия Премьер-лигасида 7 та ўйинда майдонга тушиб, 6 та гол ва битта голли узатмани амалга оширди.
