Niderlandiya terma jamoasi markaziy himoyachisi Virjil van Deyk jamoasining Belgiya ustidan qozonilgan g‘alabasi (1:0) haqida fikr bildirdi.
"Biz unchalik yaxshi o‘ynamadik, lekin asosiy narsaga erishdik – g‘alaba qozona oldik. Bu yaxshi, garchi biz yanada ishonchli o‘yin ko‘rsata olsak ham. Shuni unutmangki, bizning raqibimiz dunyoning eng kuchli jamoalaridan biri edi. Bu g‘alabadan so‘ng Jahon chempionatiga ijobiy kayfiyat bilan yo‘l olamiz”, - dedi “Liverpul” himoyachisi.
Niderlandiya terma jamoasi 16 ochko jamg‘arib, guruhda birinchi o‘rinni egalladi.
