Belgiyalik markaziy hujumchi Romelu Lukaku Tomas Tuxel jamoa bosh murabbiyligidan chetlatilganidan keyin Londonning "Chelsi"siga qaytishni istamayapti.
AS xabariga ko‘ra, futbolchi hozirda ijara asosida o‘ynayotgan "Inter"da qolmoqchi. Hujumchi “neradzurrilar” rahbariyati uning shartnomasini sotib olish uchun “pensionerlar” bilan muzokara olib borishiga umid qilmoqda.
Qaytganidan keyin Romelu milanliklar safida Italiya chempionatida uchta o‘yin o‘tkazdi. Belgiyalik futbolchi bitta gol va bitta golli uzatmani amalga oshirdi. Uning ijarasi 2022/2023 yilgi mavsum oxirida tugaydi.
