Белгиялик марказий ҳужумчи Ромелу Лукаку Томас Тухель жамоа бош мураббийлигидан четлатилганидан кейин Лондоннинг "Челси"сига қайтишни истамаяпти.
АS хабарига кўра, футболчи ҳозирда ижара асосида ўйнаётган "Интер"да қолмоқчи. Ҳужумчи “нерадзуррилар” раҳбарияти унинг шартномасини сотиб олиш учун “пенсионерлар” билан музокара олиб боришига умид қилмоқда.
Қайтганидан кейин Ромелу миланликлар сафида Италия чемпионатида учта ўйин ўтказди. Белгиялик футболчи битта гол ва битта голли узатмани амалга оширди. Унинг ижараси 2022/2023 йилги мавсум охирида тугайди.
