"Barselona" dushanba kuni himoyachi Ronald Arauxo Finlyandiyada operasiya qilinishini tasdiqladi. Kataloniya klubi futbolchining tiklanish vaqtini aytmayapti, biroq jurnalist Marselo Bexler ijtimoiy tarmoqlarda Arauxo uch oyni o‘tkazib yuborishi haqida xabar berdi. Demak, futbolchi Qatardagi jahon chempionatida Urugvay terma jamoasiga yordam bermaydi.
Ma’lumot ajablanarli emas – avvalroq Ronald Arauxo operasiya qilishga qaror qilsa, Jahon chempionati haqida gapira olmasligi ma’lum qilingandi. Konservativ davo varianti muhokama qilindi, ammo bu holda relaps xavfi mavjud bo‘ladi. Bunday ssenariyda Arauxoning o‘yinida pasayish kuzatilishi mumkin.
