"Барселона" душанба куни ҳимоячи Рональд Араухо Финляндияда операция қилинишини тасдиқлади. Каталония клуби футболчининг тикланиш вақтини айтмаяпти, бироқ журналист Марсело Бехлер ижтимоий тармоқларда Араухо уч ойни ўтказиб юбориши ҳақида хабар берди. Демак, футболчи Қатардаги жаҳон чемпионатида Уругвай терма жамоасига ёрдам бермайди.

Маълумот ажабланарли эмас – аввалроқ Рональд Араухо операция қилишга қарор қилса, Жаҳон чемпионати ҳақида гапира олмаслиги маълум қилинганди. Консерватив даво варианти муҳокама қилинди, аммо бу ҳолда релапс хавфи мавжуд бўлади. Бундай сценарийда Араухонинг ўйинида пасайиш кузатилиши мумкин.